وفاقی وزیر پاور ڈویژن سردار اویس احمد لغاری دی پریس کانفرنس,حکومت دا پورے ملک وچ اج توں5297 فیڈراں توں بجلی دی لوڈ شڈنگ مکمل طور تے ختم کرنڑ دا اعلان،

اسلام آباد ۔ 3 دسمبر (اے پی پی) وفاقی وزیر پاور ڈویژن سردار اویس احمد لغاری پورے ملک وچ اج توں5297فیڈراں توں بجلی دی لوڈشےڈنگ مکمل طور تے ختم کرنڑ دا اعلان کریندے ہوئیں آکھیا ہے جو پاکستان مسلم لیگ(ن) ساڈھے چار سال دی انتھک محنت اتے جدوجہد نال نہ صرف ملک وچوں اندھارے مکائے بلکہ ملک کو ںترقی تے خوشحالی دی راہ تے حقیقی معنیاں وچ گامزن کر ڈتے، این ویلھے ملک وچ2ہزار میگا واٹ توں ودھ بجلی بنڑدی پئی ہے ، ملک اچ ایجھے ویلھے طلب توں ودھ بجلی موجود ہے ، اےجھے علاقے جتھاں بجلی چوری کیتی ویندی ہے اتھاں سسٹم وچ ودھ بجلی ہونڑ دے باوجود لوڈ شےڈنگ دا سلسلہ جاری راہسی۔ایاں سانگے ڈسکوز ا وہ سارے ضروری اقدامات کریسن اتے قنون کوں لاگو کرویسن ،جیندی مدد نال اساکوں اپنڑاں ہدف پورا کرنڑ وچ مدد ملسی،موجو دہ حکومت نہ صرف بجلی دی پےداوار دے ڈھگ سارے منصوبیں کوں پورا کیتا ہے بلکہ ودھ سارے منصوبے ایجھے ویلھے وی زےر غور ہن۔ جیندے نال سسٹم وچ بجلی دے ودھارے وچ مد د ملسی۔انہاں خیالیں دا اظہار انہاں اتوار کوں پریس کانفرنس دے دوران کیتا۔وفاقی وزیرآکھیا جو میں اج بہوں خوشی محسوس کریندا پیا ہاں جو موجودہ حکومت پاکستان مسلم لیگ (ن) دی قیادت ہر شعبے وچ کامیابی حاصل کیتی ہے اتے ساڈھے چار سال دی انتھک محنت تے جدوجہد نال نہ صرف ملک وچوں اندھارے مکائے گئے بلکہ ملک کوں ترقی تے خوشحالی دی راہ تے حقیقی معنی وچ گامزن کر ڈتے۔اناہں آکھیا جو میں اللہ سائین دا شکر ادا کریندے ہوئیںا یہ اعلان کریندا ہاں جو اساڈے کول سسٹم وچ اساڈی کُل طلب دے مقابلے وچ 2700 میگاواٹ ودھ بجلی موجود ہے۔انہاں آکھیا جو مسلم لیگ( ن)دی حکومت 2013 وچ اقتداروچ آئی تاں ملک وچ بجلی دی پیداوار، طلب تے رسد اتے لوڈشیڈنگ دی صورتحال کیا ہائی۔دسمبر 2013ءوچ بجلی دی پیداوار 9279 میگاواٹ ہائی جڈاں جو ملک وچ بجلی دی طلب 11799 میگاواٹ ہائی اتے 2520 میگاواٹ بجلی دی گھٹکی دی وجہ نال گھٹ توں گھٹ8 توں 10گھنٹے دی لوڈ شیڈنگ تھیندی ہائی،دسمبر 2017ءوچ اساں7465 میگاواٹ دی سطح ودھا تے 16477 میگاواٹ ودھ بجلی پیدا کیتی ہے اتے ایجھے ویلھے طلب دے مقابلے وچ 2727 میگاواٹ ودھ بجلی موجود ہے ۔انہاں آکھیا جو بجلی بنڑاونڑ آلے ڈھگ سارے منصوبے تکمیل دے مختلف مرحلیاں وچ ہن اتے 2018ءدیاں گرمیاں توںپہلے تقریبا 4000 میگاواٹ بئی بجلی سسٹم وچ شامل کر ڈیسوں۔2017ءدے گرمی دے موسم وچ 24000 میگاواٹ طلب دے مقابلے وچ اساڈے سسٹم وچ 20000 میگاواٹ ریکارڈ بجلی پیدا تھئی۔ جڈانجو جاری منصوبیں دے مکمل ہوندے ای بجلی دی پیداوار 25000 میگاواٹ تئیں پج ویسی ۔انہاں آکھیا جو ایں ویلھے سسٹم وچ طلب توں ودھ بجلی موجود ہے تاں اساں ملک وچوں لوڈشیڈنگ مکا سنگدوں ۔انہاں آکھیا اگرچہ اساڈے سسٹم وچ ودھ بجلی موجود ہے پر نقصان اتے چوری دے عوامل دی وجہ نال اساں زیادہ نقصان آلے فیڈراں تے مجبورتھی تے لوڈشیڈنگ کرنڑ تے مجبور ہسے ۔انہاں آکھیا جیں ای انہاں فیڈراں تے نقصان ہک خاص فیصد تئیں گھٹ ویسن اساںلوڈشیڈنگ گھٹ کریندے ویسوں،اساداا یہ وی مقصد ہے جو صارفین وچ وختی بجلی دے بل بھرن اتے بجلی چوری روکنڑ سانگے مناسب اقدامات کیتے ویسن تاں جو سارے صارفین کوں بلاتعطل بجلی دی فراہمی کیتی ونج جا سگے ۔انہاں آکھیا جوایں ضمن وچ صارفین توں اپیل کریندا ہاں جو اوہ اساڈا ساتھ ڈیونڑ اتے وختی بل اداکرین اتے بجلی چوراں دے کیخلاف ہک مٹھ تھی تے اساڈی مدد کرن تاں جو انہاں دے علاقیان وچ وی بجلی دی بلاتعطل فراہمی ممکن بنڑائی ونج جاسگے۔وفاقی وزیر آکھیا جو ا یہ واضح کرنڑ بہوں ضروری ہے جو ملک وچ ودھ بجلی دے باوجود، بجلی چوری، بل نہ بھرن، بد انتظامی اتے بئے غیر قنونی عوامل دی وجہ کنوں اساکوں نقصان دا سامنڑاں کرنڑ ہئے اتے جنہاںفیڈراں وچ لاسسز زودھ ہن اتھاں اساکوںلوڈ شیڈنگ کرنڑی پوسی ۔بجلی چوری اتے لائین لاسسز توں بچنڑ سانگے نہ صرف اساں ڈسکوز دی سطح تے سخت فیصلے کریندے پئے ہسے اتھاں صارفین کوں وی بجلی چوری جئے عوامل دی حوصلہ شکنی کرنڑ پوسی۔انہاں پورے ملک وچوں چار دسمبر توں5297 فیڈراں توں بجلی دی لوڈشڈنگ مکمل طور تے ختم کرنڑ دا اعلان کریندے ہوئیں آکھیا جو گھٹ توں گھٹ 14.915 ملےن صارفےن کوں چار دسمبر دی رات 12وجے دے بعد لوڈشیڈنگ توں مستثنیٰ کرڈتا ویسی ۔ ایں ضمن وچ دےہات تے شہر دی تفرےق وی مکا ڈتی گئی ہے۔ انہاں آکھیا جوپور ے ملک وچ ایجھے ویلھے 2700 مےگا واٹ توں ودھ بجلی سسٹم وچ موجو د ہے جیندے نتےجے وچ انہاں ساریاں فےڈراں توںلوڈ شےڈنگ مکاونڑ دا فےصلہ کےتا گئے جتھاںلائن لاسز کائنی ہن۔4 دسمبر توں لےسکو دے 1227، گیپکو دے 748، فیسکودے 896 ، حیسکودے204 ، سیپکو دے 24 ، کیسکودے 61 ، آئیسکو دے 710 ، میپکو دے 763 ، پیسکو دے 309 ، اتے ٹیسکو دے 29 فیڈراں بغر کہیں رکاوٹ دے بجلی فراہم کریسن۔انہاں آکھیا جواج دا اےہ اعلان موجود حکومت ولوں کیتے گئے اوں وعدے دی ہک کڑی ہے جیندے وچ اساں نہ صرف لوڈ شےڈنگ تے قابو پاونڑ دا عزم کیتا ہا بلکہ بجلی دی پےداوار ودھاونڑ سانگے مختلف منصوبیں دا ذکر وی کیتاہا ۔انہاں آکھیا جو موجو دہ حکومت نہ صرف بجلی دی پےداوار دے بہوں وڈے منصوبیںکوں پورا کیتے بلکہ ڈھگ سارے منصوبے ایں ویلھے وی زےر غور ہن جنھاں دے نال سسٹم وچ بجلی دے ودھارے وچ مد د ملسی ۔انہاں آکھیا جو بجلی چوراں دے خلاف بجلی دیاں تقسےم کار کمپنےاں دے بورڈ آف ڈائرےکٹرزکوں ہداےت جاری کر ڈتیاں گن جو ا وہ خصوصی اجلاس سڈا تے قنون نافذ کرنڑ آلے اداریاںدی حوصلہ افزائی کرنڑ اتے بجلی چوری توں بچنڑ سانگے خصوصی اقدام کرین۔انہاں آکھیا جو اساں اپنڑے صارفےن توں درخواست کریندوں جولوڈ شےڈنگ تے قابو کرنڑ سانگے ا وہ اساڈ ساتھ ڈیونڑ ، اپنڑے بل وختی بھرن، بجلی دے مےٹر لاونڑ اتے اپنڑے علاقیان وچ بجلی چوراں دی وی نشاہدہی کرےن۔ تاں جو اساں اپنڑے ملک کوں لوڈ شےڈنگ توں پاک ملک بنڑا سگوں۔ ہک سوال دے جواب وچ وفاقی وزیر آکھیاجو اوور بلنگ دے حوالے نال قنون سازی کیتی گئی ہے، ودھ بلنگ تے قید ہوسی۔ انہاں آکھیا جو ڈو توں ترائے مہینے دے بعد ایںندے وچ وڈافرق نظر سی، بجلی چوری دے حوالے نال قنون سازی کیتی ہے، صوبائی حکومتاں نال وی ایں بارے گالھ مہاڑ کریسوں تاں جو چوری کوں گھٹ کیتا ونج جا سگے۔ انہاں آکھیا وج اساںاپنڑیں ویب سائٹ بنڑائی ہے جتھاں بجلی دی پیداوار اتے کھپت بارے روزانہ دی بنیاد تے معلومات ڈتیاں ویسن۔