ٹرمپ دافیصلہ پورے عالم اسلام سانگے وڈا چیلنج ہے‘ وزیراعظم دا ترکی دا دورہ ایں سانگے ہے,وفاقی وزیر پارلیمانی امور شیخ آفتاب احمد

اسلام آباد ۔ 12 دسمبر (اے پی پی) وفاقی وزیر پارلیمانی امور شیخ آفتاب احمد آکھے جو چنگی خارجہ پالیسی بنڑاونڑہر حکومت دی کوشش ہوندی ہے‘ ٹرمپ دا فیصلہ پورے عالم اسلام سانگے وڈا چیلنج ہے‘ وزیراعظم دا ترکی دا دورہ ایں سانگے ہے‘ سعودی عرب اتے یمن وچال تلخی دے موقع تے سابق وزیراعظم نواز شریف وختی آرمی چیف دے کٹھے تلخی مکاونڑ گئے۔ منگل کو ں قومی اسمبلی اچ قائد حزب اختلاف دے نکتہ اعتراض داجواب ڈیندے ہوئیں وفاقی وزیر شیخ آفتاب احمد آکھیا جو قائد حزب اختلاف دیاں گالھیں ٹھیک ہن ، ہر حکومت کوشش کریندی ہے جو خارجہ پالیسی چنگی توں چنگی بنڑاوے۔ وزیراعظم شاہد خاقان عباسی دا ترکی دا دورہ عالمی حالات کوں سامنڑے رکھیندے ہوئیں ایں سانگے ہے۔انہاں آکھیا جو ٹرمپ دا فیصلہ پورے عالم اسلام سانگے وڈاچیلنج ہے، عالم اسلام ایکوں نی مندا۔ اپوزیشن لیڈر دی گائیڈ لائن اساڈے سانگے مشعل راہ ہے، اساں انہاں کنوں رہنمائی گھندے راہندوں۔ انہاں آکھے جواساڈی پوری کوشش ہے جو ایں پارلیمنٹ کوں مثال بنڑاوں۔ وزیراعظم ترکی نہ ویندے تاں اج ہی اجلاس تھی ویندا۔ انہاں آکھے جو ایندے علاوہ حلقہ بندیاں دا مسئلہ ہے، اساں اپوزیشن نال رل تے سارے مسئلے حل کرنڑ چاہندوں۔