پاکستان امریکا ولوں یوشلم کوں اسرائیل دا دارالحکومت منڑنڑ دی سختی نال مذمت کریندے،صدرممنون حسین

اسلام آباد ۔ 07 دسمبر (اے پی پی) صدر ممنون حسین آکھیا جو پاکستان امریکا ولوں یوشلم کوں اسرائیل دا دارالحکومت منڑنڑ دی سختی نال مذمت کریندے۔ایں خطے دے امن اتے استحکام تے منفی اثرات پمسن۔صدر مملکت اے گالھ خمیس کوں قومی ووٹر ڈے بارے خصوصی تقریب نال خطاب کریندیں ہوئیں آکھی۔ایں موقع تے وفاقی وزیر داخلہ احسن اقبال، وزیر مملکت برائے انسانی حقوق عثمان ابراہیم ،اراکین پارلیمنٹ اتے سفارت کاراں دی وڈی تعدادموجود ہئی۔صدرمملکت آکھیا جو اسلامی کانفرنس تنظیم داسربراہ اجلاس یروشلم کوں اسرائیل دا دارالحکومت بنڑاونڑ تے سخت موقف اختیار کریسی۔انہاں ترک صدر رجب طیب اردوان ولوں اسلامی کانفرنس تنظیم سربراہ دا اجلاس سڈنڑ دی تجویز دی حماےت کریندیں ہوئیں آکھیا جو امید اے جو امت مسلمہ ایں واقعے دا سخت نوٹس گھنسی۔