لاہور۔7 دسمبر(اے پی پی )صوبائی وزیر کو آپریٹو ملک محمد اقبال چنڑ آکھیا ہے جو پاکستان امن دا گہوارہ ہے اتے ایں حوالے نال اساڈا ملک دنیا اچ رول ماڈ ل دے طور تے جانڑیا ویندے ،سارے ملک اچ عید میلادالنبی دیاں تقریباں کوںجوش تے جذبے نال منایا گیا تے اپنڑی اپنڑی عقیدت مندی اتے محبت دا اظہار برقی روشنیاں تے محفل نعتاں دے ذریعے کیتا گیا، انہاں خیالاں دا اظہار انہاں مغلپورہ اچ منعقدہ محفل میلاد اچ شرکت دے موقع تے گالھ مہاڑ کریندے ہوئیں کیتا ،ہزاراں لوکاں تے معروف نعت خواناں ایں موقع تے شرکت کیتی وزیر کو آپریٹو ملک محمد اقبال چنڑ محفل میلاداچ شریک 2 لوکاں کوں بذریعہ قرعہ اندازی عمرے دے ٹکٹ وی ڈتے ، نعت خواناں اپنڑیاںنعتاں نال حضرت محمد ﷺ کوںخراج عقیدت پیش کیتا ۔
