اسلام آباد ۔ 21 دسمبر (اے پی پی) رواں مالی سال دے پہلے چار مہیناں اچ ملک اچ ٹیلی کام مصنوعات دی درآمدات اچ 19فیصد ودھارا تھئے۔ ادارہ شماریات موجب مالی سال 2016-17ءدے پہلے چار مہینیاں اچ ٹیلی کام مصنوعات دا درآمدی بل 378.194 ملین ڈالر ریکارڈکیتاگئے۔ رواں مالی سال دے ابتدائی چار مہینیاں اچ ٹیلی کام مصنوعات دا درآمدی بل 450.186 ملین ڈالر ریکارڈکیتا گئے۔ہک سال دے دوران ٹیلی کام دے درآمدی بل اچ 19 فیصد ودھارا ڈٹھا گئے۔اعدادو شمارموجب ایں عرصے اچ موبائل فون سیٹس دی درآمدات اچ 24 فیصد ودھارا تھئے۔ایں دوران موبائل فون سیٹس دی درآمدات تے 245.203 ملین ڈالر زرمبادلہ خرچ کیتا گئے۔ گذریل مالی سال دے ایں عرصہ اچ موبائل فون سیٹس دی درآمدات تے 198.205ملین ڈالر خرچ کیتے گن۔
