لاہور۔23 دسمبر(اے پی پی )وزیر مملکت برائے انفارمیشن ٹیکنالوجی و ٹیلی کمیونیکیشن انوشہ رحمن آکھیے جو پاکستان اچ ڈیجیٹل انقلاب گھن آونڑحکومت دے منشور داحصہ اے، تھری اتے فور جی ٹیکنالوجی متعارف کراونڑ حکومت دی وڈی کامیابی اے، 2020ءاچ فائیو جی شروع کرنڑ کیتے کم جاری اے۔ او لمزلاہور اچ نیشنل انکیوبیشن سنٹردے افتتاح ویلھے تقریب نال خطاب اتے میڈیا نال گال مہاڑکریندیاں پیاں ہن۔ وزیر مملکت آکھیے جوحکومت ملک اچ پنج انکیوبیشن سنٹر زبنڑیندی پئی اے، پہلے مرحلے اچ اسلام آباداتے ڈوجھے مرحلے اچ لاہور دے سنٹرز کم شروع کرڈتے،نینگر اینجھے سنٹراں اچ جدید ٹیکنالوجی توں فائدہ چاون۔انہاں آکھیے جو وزارت انفارمیشن ٹیکنالوجی دے تحت اسلام آباد دے 226سکولاں اچ آئی ٹی لیبزشروع کیتان گن،پبلک پرائیویٹ پارٹنرشپ دے تحت سکلز اتے فنڈنگ کٹھی کرتے کم جاری اے اتے لوکاں کوں ای ۔ ہیلتھ،ای ۔ایجوکیشن،ای ۔کامرس جھین فیدے ڈتے ویندے پن۔ہک سوال داجواب ڈیندے انہاں آکھیے جو مسلم لیگ ن ملک دی سب توں وڈی جماعت اے جیہڑی آندے انتخابات اچ کامیاب تھی تے ولا اپنڑی حکومت بنڑیسی۔
