واشنگٹن ۔ 4 دسمبر (اے پی پی) امریکی وزیر دفاع جمیز میٹس آکھیا جو انہاں دا دورہ پاکستان دا مقصد ” سانجھی بنیاد“ گولنڑا ں ہے، انہاں ایں توقع دا اظہار کیتا جو امریکا اتے پاکستان اپنڑے سانجھے دشمناں نال لڑنڑ سانگے رل تے کم کرنڑ دے رستے گولیسن۔ اردن اچ علاقائی کانفرنس اچ شرکت دے بعد پاکستان ویندے ہوئیں صحافیاں نال گال مہاڑ کریندے ہوئیں امریکی وزیر دفاع آکھیا جوپاکستان دے ہزاراں فوجی دہشت گرداں دے حملے اچ ماریے گے ہن تے زخمی تھے ہن ، دہشت گرداں دے حملے اچ پاکستان دے ہزاراں بے گناہ شہری جاں بحق تے زخمی تھے ہن اساں جانڑدوں جو کجھ ” کامن گراونڈ“(سانجھی بنیاد) موجود ہے۔ افغانستان تے پاکستان وچال” کامن گراونڈ“ (سانجھی بنیاد) موجود ہے کیوں جو دہشت گرد ہک جاہ رہ تے ڈوجھی جاہ تے کاروائی کریندے ہن ۔
