اسلام آباد ۔ 2 دسمبر (اے پی پی) پاکستان کو ںاقوام متحدہ دی صنعتی ترقی دے ادارے دا اہم پالیسی ساز رکن منتخب کر گھداگئے۔دفترخارجہ دے ترجمان مطابق ایں انتخاب دا اعلان ویانا وچ جنرل کانفرنس دے سترویں اجلاس وچ کیتاگیا ،جیرھا گزریل ڈینھ مک گیا۔ایں فیصلے مطابق پاکستان صنعتی ترقی بورڈ سانگے 2018ءتوں 2021ءتئیں بئے چار سال تئیں کم کریسی اتے پروگرام تے بجٹ کمیٹی سانگے 2018ءتوں 2019 تئیں ڈوسال دی عرصے سانگے کم کریسی۔ویانا وچ پاکستان دی سفیر عائشہ ریاض کو ں وی جنرل کانفرنس دی نائب صدر منتخب کیتا گئے۔دفترخارجہ دے ترجمان آکھیا ہے جو اقوام متحدہ دی صنعتی ترقی دے ادارے دی پالیسی بنڑاونڑ وچ پاکستان دا انتخاب کثیرالجہتی فورم وچ پاکستان تے عالمی برادری دے پکے اعتماد دامظہر ہے۔انہاں آکھیا جوپاکستان دے اقوام متحدہ دے صنعتی ترقی دے ادارے دے نال چنگے تعلقات ہن اتے پاکستان پائیدار ترقی دے ایجنڈے 2030ءدے تحت مقررہ ہدف گھنڑ سانگے اقوام متحدہ دی صنعتی ترقی دے ادارے دے نال تعاون جاری رکھیسی۔
