اسلام آباد ۔ یکم دسمبر (اے پی پی) چیئرمین سینیٹ میاں رضاربانی زرعی ڈائریکٹوریٹ پشاور تے تھیونڑ آلے دہشت گردی دے حملے دی مذمت کیتی ہے اتے قیمتی جاناں دے ضیاع تے گھاٹے ڈکھ اتے افسوس دا اظہار کیتاہے۔ انہاں آکھیا جو دہشت گرد عناصر نہ صرف پاکستان وچ امن دے دشمن ہن بلکہ پاکستانی قوم دے خلاف تھیونڑ آلیا ںسازشاں دا وی حصہ ہن۔ انہاں آکھیا جو پاکستانی قوم ہک مٹھ ہے اتے دہشت گرداں دے مکروہ عزائم کوں کڈاہیں وی کامیاب کائناں تھیونڑڈیسوں۔ انہاںمتاثر خاندانسں نال دلی ہمدردی دااظہار اتے زخمیاں دی وختی صحت یابی دی دعا کیتی۔ ڈپٹی چیئرمین سینیٹ مولانا عبدالغفور حیدری ، سینیٹ وچ قائد ایوان راجہ محمد ظفرالحق ، قائد حزب اختلاف اعتزاز احسن وی حملے دی شدید الفاظ وچ مذمت کیتی ہے۔اپنڑے مذمتی بیان وچ انہاں دہشت گردی دے خلاف کوششاں کوں ہور ودھ منظم بناونڑ دی ضرورت تے زورڈتا۔
