ہتھیاراں دے عالمی وپار اچ ہک واری ول ودھارا

سٹاک ہوم۔ 11 دسمبر (اے پی پی) گذریل سال پوری دنیا اچ اسلحے دا وپار ہک واری ول بہون ودھ تھئے۔امن تے تحقیق کرنڑ آلے سویڈش ادارے ’سِپری‘دی تازہ رپورٹ موجب 2016ءاچ جنگی سازو سامان اتے فوجی خدمتاں دی مد اچ عالمی سطح تے 374.8 ارب امریکی ڈالر خرچ کیتے گین۔اے وپار 2015ءدے مقابلے اچ1.9 فیصد ودھ رہے۔رپورٹ اچ ڈسایا گئے جو شمالی کوریا دے تجربیاں پاروں جنوبی کوریا وڈے پیمانے تے اسلحہ مل گھدے۔ اسلحہ ساز امریکی اداریاں سب توں ودھ 57.9 فیصد ہتھیار ویچن۔ رپورٹ اچ آکھیا گئے جو گذریل پنج سالاں اچ اسلحے دی مل خرید اچ مسلسل ودھارا ڈٹھا ویندا پئے۔