اسلام آباد۔ 25 جنوری (اے پی پی) دفتر خارجہ دے ترجمان ڈاکٹر محمد فیصل آکھیا جو پاکستان خطے اچ بھارت دی ہتھیاراں دی بھج دھرک اتے دفاعی ہتھیاراں توں غافل کائنی،بھارت دی اسلحے دی بے تحاشا خریداری انہاں دی دفاعی لوڑھ توں کہیں ودھ اے،امریکا کوں کرم ایجنسی یا وزیرستان اچ ڈرون حملے دا کوئی اختیار کائنی۔خمیس کوں ہفتہ وار پریس بریفنگ اچ صحافیاں دے مختلف سوالا ں دا جواب ڈیندیں ہوئیں ترجمان دفتر خارجہ آکھیا جو بھارت دا روایتی اتے غیر روایتی ہتھاراں دا حصول اتے میزائل تجربات خطے اچ امن تے استحکام تے منفی اثرات پیسن۔بھارت ولوں اسلحے اچ بے تحاشا ودھارا اوندے دفاعی لوڑھ توں کہیں ودھ اے۔ترجمان آکھیا جو پاکستان آپنڑی دفاعی لوڑھ اتے سلامتی لوڑھ کوں یقینی بنڑاونڑ سانگے ہر ممکن اقدامات کریسی۔