منوبھائی دی وفات ہر درددل رکھنڑ آلے حساس انسان کیتے بہوں وڈا صدمہ ،وڈا سماجی تے قومی ضیان اے ،وزیر مملکت اطلاعات ، نشریات، قومی تاریخ تے ادبی ورثہ مریم اورنگزیب

اسلام آباد ۔ 19جنوری (اے پی پی)وزیر مملکت اطلاعات ،نشریات، قومی تاریخ تے ادبی ورثہ مریم اورنگزیب ملک دے ممتاز ادیب، دانشور، ، کالم نگار، ڈرامہ نویس ، صحافی اتے سماجی کارکن منو بھائی دے انتقال تے ودھ سارے ڈکھ دا اظہار کریندے ہوئیں آکھیا جو انہاں دی فوتگی نال ہر درد دل رکھنڑ آلے حساس انسان کیتے بہوں وڈا صدمہ اے تے بہوں وڈا سماجی تے قومی ضیان اے ۔جمعے کوں اپنڑے تعزیتی پیغام اچ مریم اورنگزیب آکھیا جو وزیر آباد توں منیر قریشی دے ناں نال جیں بال ایں دنیا اچ اکھ کھولی ہئی ،عوامی خدمت دی تڑپ ،انساناں نال محبت ،انہاں دے مسئلے حل کرنڑ دے جذبے انہاں کوں منو بھائی بنڑا ڈتا ۔علم تے ادب دے شعبیں اچ ناں کمایا تے نینگر نسل کوں امید تے جستجو دا پیغام ڈے تے انہاں دی رہنمائی کیتے کوششاں کریندے رہیے ۔خون دے عارضے دا شکار بالاںکےتے انہاں دی تڑپ سندس فاﺅنڈیشن دی صورت اچ صدقہ جاریہ اے ۔وزیر مملکت مریم اورنگزیب مرحوم دے بلندی درجات اتے پسماندگان کیتے صبر دی دعا کیتی ۔