دبئی ۔ 2 جنوری (اے پی پی) انٹرنیشنل کرکٹ کونسل(آئی سی سی) میلبورن دی وکٹ ناقص قرارڈے تے 14 ڈینہہ اچ کرکٹ آسٹریلیا توں جواب منگ گھدے۔اے پہلی واری اے جو ملبورن کرکٹ گراونڈ دی وکٹ کوں خراب آکھیا گئے۔ میلبورن اچ آسٹریلیا اتے انگلینڈ وچال ایشز سیریز دے چوتھے ٹیسٹ اچ پنج ڈینہہ دے دوران صرف 24 کھیڈاڑی آوٹ تھئے ہن۔میلبورن کرکٹ دی پچ تے گذریل سال آسٹریلیا اتے انگلینڈ دیاں ویمن ٹیماں دی ایشز سیریز اچ وی سوال چاتے گئے ہن۔آئی سی سی میچ ریفری رنجن مدوگال آئی سی سی کوں رپورٹ جمع کرائی ہئی جیندے بعد آئی سی سی پچ اینڈ آﺅٹ فیلڈ مانیٹرنگ پراسیس دے تحت میلبورن کرکٹ گراﺅنڈدی وکٹ ناقص قرار ڈتی اے۔ایشز سیریز اچ آسٹریلیا اتے انگلش ٹیماں دے کپتاناں وی پچ تے تنقید کیتی ہئی۔
