اسلام آباد ۔ 16 جنوری (اے پی پی) محکمہ موسمیات آکھیے جو آندے 24گھنٹے ملک اچ موسم ٹھڈا تے رکھا ہوسی تاں جو مالاکنڈ ڈویژن اتے گلگت بلتستان اچ کجھ جہیں تے ہلکا مینھ تے پہاڑاں تے برف جڈاں جو پنجاب دے کجھ میدانی علاقیں تے اتلے سندھ اچ سویل دے ویلھے کوہیڑ پوسی ۔محکمہ موسمیات دے مطابق گزریل 24گھنٹے اچ ملک اچ بہوں ساریاں جہیں تے موسم ٹھڈا تے رکھا جڈاں جو کوئٹہ سمیت ملک دے شمالی علاقیں اچ موسم بہوں ٹھڈا رہیا ۔ساریں توں ودھ پالا سکردو،کوئٹہ،گوپس اچ پیا جتھاں درجہ حرارت منفی7 تئیں گیا، استور، کالام اچ منفی 6، گلگت، دیر، قلات اچ منفی 5، بگروٹ اچ منفی 4 ڈگری سینٹی گریڈ ریکارڈ کیتا گیا۔ محکمہ موسمیات دے مطابق آندے ڈو ڈینھ بعد اسلام آباد تے راولپنڈی سمیت اتلے پنجاب ،کشمیر تے گلگت اچ کجھ جہیں تے ہلکا مینھ وسسی تے پہاڑاں تے برف پوسی ۔
