اسلام آباد ۔ 25 جنوری (اے پی پی) محکمہ موسمیات دے مطابق آندے24 گھنٹے دے دوران ملک اچ موسم رکھا جڈاں جو شمالی علاقے ودھ سارے پالے دی وکیڑ اچ رہسن ۔پنجاب دے میدانی تے اتلے سندھ اچ رات تے سویل کوں کوہیڑ پوسی ۔رپورٹ دے مطابق ملک دے شمالی علاقے مالاکنڈ ، کوئٹہ ڈویژن ودھ ساری سردی دی وکیڑ اچ رہیے تے گزریل 24گھنٹے دے دوران ملک اچ موسم ٹھڈا تے رکھا رہیا ۔ساریں توں گھٹ درجہ حرارت سکردو اچ منفی 9، استور، کالام منفی 7، گلگت، کوئٹہ منفی 6، گوپس، قلات، زیارت منفی5 اتے چترال اچ منفی 4 ڈگری سینٹی گریڈ ریکارڈ کیتا گیا جڈاں جورات اتے سویل دے ٹائم پنجاب دے میدانی علاقے کوہیڑدی وکیڑ اچ رہیے ۔
