آندے 24 گھنٹے ملک اچ موسم رکھا ہوسی ،پنجاب اچ کوہیڑ پوسی ، محکمہ موسمیات

اسلام آباد ۔ 18 جنوری (اے پی پی) محکمہ موسمیات دے مطابق آندے 24 گھنٹے دے دوران ملک دے بہوں سارے علاقیں اچ موسم رکھا رہسی جڈاں جو پنجاب دے میدانی علاقیں اچ سویل دے ویلھے کوہیڑ پوونڑ دامکان اے ۔رپورٹ دے مطابق گزریل 24گھنٹے دے دوران ملک دے بہوں سارے علاقیں اچ موسم ٹھڈ ا تے رکھا رہیا ۔ مالاکنڈ تے ہزارہ ڈویژن اچ کجھ جہیں تے مینھ وسیا تے پہاڑاں تے برف پئی ۔ساریں توں ودھ مینھ کالام اچ 12 ملی میٹر، مالم جبہ 9، دیر 7، پٹن 3 اتے سیدو شریف اچ ہک ملی میٹر جڈاںجو ساریں توں ودھ برفباری مالم جبہ اچ 4 انچ اتے کالام اچ 2 انچ ریکارڈ کیتی گی اے۔