اسلام آباد ۔ 7 جنوری (اے پی پی) محکمہ موسمیات آکھیا ہے جو آندے 24گھنٹے دے دوران ملک دے ودھ سارے علاقیاں اچ موسم ٹھڈھا تے رکھا راہسی۔ پنجاب دے میدانی علاقیاں اتے سندھ دے اتلے علاقے اچ رات تے سویل ویلھے کہیڑ دا امکان ہے۔ اتوار کوں محکمہ موسمیات دی جاری رپورٹ مطابق گزریل 24 گھنٹے دے دوران ملک دے ودھ سارے علاقیاں اچ موسم ٹھڈھا تے رکھا رہے۔ ملک دے مختلف علاقیاں اچ شدید سردی رہی۔ ملک دے مختلف علاقیاں استوراچ منفی 10،سکردو،گوپس،کالام منفی 08، ہنزہ، بگروٹ،کوئٹہ،زیارت، دیرمنفی 06،گلگت، قلات منفی05 اتے راولاکوٹ تے پارہ چنار دا درجہ حرارت منفی 04 ڈگری سینٹی گریڈ ریکارڈ کیتا گئے۔
