اسلام آباد ۔ 14 جنوری (اے پی پی) محکمہ موسمیات آکھے جو آندے 24گھنٹے دے دوران ملک دے ودھ سارے علاقیاں اچ موسم ٹھڈھا اتے رکھا راہسی تاں جومالاکنڈ ڈویژن اتے گلگت بلتستان اچ کجھ جئیں تے کنڑ منڑ اتے پہاڑاں تے بر فباری جڈانجو پنجاب دے کجھ علاقیاں اتے اپر سندھ اچ سویل ویلھے کہیڑ پونڑ دا امکان ہے۔ محکمہ موسمیات دے مطابق سکردو اچ درجہ حرارت منفی 09 ڈگری سینٹی گریڈ تئیں گھٹ تھی گیا جڈانجو گوپس اچ منفی 08،کوئٹہ، استور،گلگت، ہنزہ منفی 07، زیارت منفی 06، قلات، کالام، دیر منفی 05، بگروٹ منفی 04، راولاکوٹ، دالبندین اتے چترال اچ درجہ حرارت منفی 03 ڈگری سینٹی گریڈ ریکارڈ کیتا گئے ۔ رپورٹ دے مطابق گزریل 24 گھنٹے دے دوران ملک دے ودھ سارے علاقیاں اچ موسم ٹھڈھا اتے رکھا رہیا جڈانجو کوئٹہ سمیت ملک دے شمالی علاقیاں اچ موسم ٹھڈھا رہیا۔
