اسلام آباد ۔ 9 جنوری (اے پی پی) صدر مملکت ممنون حسین آکھیے اصلاح معاشرہ تے دین دی تعلیم تے موثر عمل در آمد کیتے علما کرام دا کردار بہوں اہم ہے۔ایں سلسلے اچ علما کرام دی اے ذمے واری ہے جو او صلاحیت رکھنڑ آلے علما تیار کرن تاں جو جدید عہد دے تقاضے پورے کیتے ونجن ۔انہاں اے گالھ ممتاز عالم دین ڈاکٹر سیّد سلمان ندوی نال گالھ بات کریندے ہوئیں آکھی جنہاں جنہاں منگل کوں ایوان صدر اچ اپنڑے وفد دے نال ملاقات کیتی ۔صدر مملکت آکھیا جو معاشرے دی اصلاح کیتے علما کرام تے باری ذمے واری لگدی ہے ۔مسلماناں دی تاریخ تے بر صغیر دے علما ایں سلسلے اچ قابل قدر کردار اداکیتے ۔انہاں آکھیاجو اسلام دی حقیقی روح دے مطابق معاشرے دی تشکیل ضروری ہے جو مختلف مکاتب فکر دی سطح توں ودھ تے خالصتاً قرآن و سنت توں رہنمائی گھدی ونجے ۔ صدر مملکت آکھیے ڈاکٹر سیّد سلمان ندوی تے انہاں دے خانوادے تبلیغ دین اتے تحریک پاکستان کیتے خدمتاں کیتیاں ہن جیں سانگے معاشرے اچ انہاں دا بہوں احترام کیتا ویندے ۔
