اسلام آباد ۔ 27جنوری (اے پی پی)انڈونیشیا دے صدر جوکو ویدودو دا وزیراعظم ہاﺅس پجنڑ تے زبردست استقبال کیتا گئے اتے وزیراعظم آپ انہاں دا خیر مقدم کیتے۔ایں موقعے تے ڈوہان ملکاں دے قومی ترانے وجائے گن۔مہمان صدر کوںمسلح افواج دے چاک و چوبند دستے سلامی ڈتی۔انہاں گارڈ آف آنر دا وی معائنہ کیتا۔پاک فضائیہ دے ترائے جے ایف 17 تھنڈر طیاراں ونگ کمانڈر کاشف کمال دی اگوانڑی تے 500 فٹ تئیں اُڈدے ہوئیں سلامی ڈتی اتے فلائی پاسٹ دا شاندار مظاہرہ کیتے۔ایں موقعے تے انڈونیشیا دے صدر جوکو ویدودو نال وفاقی وزراءمحمد پرویز ملک، سردار اویس خان لغاری، جام کمال خان اتے مشیر خزانہ مفتاح اسماعیل، سیکرٹری خارجہ تہمینہ جنجوعہ اتے بئے اعلیٰ حکام نال تعارف وی کرایا گیا۔
