اسلام آباد ۔ 26 جنوری (اے پی پی) انڈونیشیا دے صدر جوکو ودودو ڈو ڈینہہ دے دورے تے اسلام آباد پج گین ، او پارلیمنٹ دے مشترکہ اجلاس نال خطاب کریسن اتے وزیراعظم سودھے بیاں اہم شخصیتاں نال وی ملسن۔انڈونیشیا دے صدر دا اے پاکستان دا پہلا دورہ اے اور پاکستانی پارلیمنٹ دے مشترکہ اجلاس نال خطاب کرنڑ آلے ڈوجھے انڈونیشی صدر ہوسن۔انڈونیشی صدر دی زال مادام ایرینا ،وزراءاتے تجارتی وفد وی انہاں دے نال ہے۔صدر مملکت ممنون حسین اتے خاتون اول بیگم محمودہ ممنون حسین نور خان ایئر بیس تے انہاں دا اسقبال کیتا، انہاں کوں اسلام آباد پجنڑ تے سلامی وی ڈتی گئی۔ وفاقی وزرائ، ارکان پارلیمان اتے اعلیٰ حکام وی ایں موقعے تے موجود ہن۔زراءانڈونیشیا دے صدر جوکو ودودو صدر مملکت ممنون حسین دے عشائیے اچ شرکت کریسن اتے وزیراعظم شاہد خاقان عباسی نال وی ملسن۔پاکستان اتے انڈونیشیا دے ہک ڈوجھے نال تاریخی اتے چنگے تعلقات ہین۔ڈوہاں ملکاں وچال تجارت دا حجم ڈو ارب ڈاہ کروڑ ڈالر سالانہ اے۔
