اسلام آباد ۔ 25 جنوری (اے پی پی) وزیر مملکت پارلیمانی امور محسن نواز رانجھا آکھیے جو انڈونیشیا دے صدر دا دورہ پاکستان خوش آئند ہے تے ایں نال ملک دی معاشی ترقی دے نویں رستے کھل ویسن ،ڈوہیں ملکاں وچال مختلف شعبے اچ دوستانہ تعلقات مزید پکے تھی ویسن ۔انہاں خیالاں دا اظہار انہاں خمیس کوں اے پی پی نال گال بات کریندے ہوئیں کیتا۔ انہاں آکھیا جو پاکستان تے انڈو نیشیا دے آپس اچ تاریخی دوستانہ تعلقات ہن ۔ صدر وڈودو دے پاکستان دورے نال ریاستی تعلقات مزید مستحکم تھی ویسن ،انڈونیشیا پاکستان دا اٹھواں وڈا تجارتی شراکت دارہے ۔ انہاںآکھیا پریفرنشیل ٹریڈ معاہدے نال ڈوہیں ملکاں وچال سانجھی تجارت ودھ ویسی ۔ایں وقت پاکستان تے انڈونیشیا لگ بھگ 2.1 بلین دی سانجھی تجارت کریندن ۔ محسن نواز رانجھا آکھیا جو معاہدے دے بعد ڈوہیں ملکاں وچال تجارتی سرگرمیاں اچ ودھارا تھیسی ۔
