اسلام آباد ۔ 26 جنوری (اے پی پی) جمہوریہ انڈونیشیا دے صدر جوکو ودودو 17ویں غیر ملکی سربراہ مملکت ہین جئیں پارلیمنٹ دے مشترکہ اجلاس نال خطاب کیتے۔انہاں توں پہلے پارلیمنٹ دے مشترکہ اجلاس اچ شرکت کرنڑ آلی غیر ملکی شخصیتاں اچ شہنشاہ ایران محمد رضا پہلوی، فلپائن دے صدر دیوداس میکاپگل، انڈونیشیا دے صدر ڈاکٹر احمد سائیکارنو، سری لنکا دی وزیراعظم بندرانائیکے، ترکی دے صدر کینان ایورن، فلسطین دے صدر یاسر عرفات، فرانس دے صدرفرانسس مترا، سپیکر مجلس شوریٰ اسلامی آف ایران حجة السلام مہدی کروبی، ایران دے صدر علی اکبر ہاشمی رفسنجانی، سپیکر مجلس شور یٰ اسلامی ایران حجة اسلام و المسلمین علی اکبر ناطے نوری، چین دے صدر جیانگ ژیمن، ملکہ برطانیہ الزبتھ دوم ، ترک وزیراعظم رجب طیب اردگان، چین دے وزیر اعظم وین جیاباو ¿، چین دے وزیراعظم لی کی جیانگ اتے چین دے صدر شی جن پنگ شامل ہین۔ ترکی دے رجب طیب اردگان کوں پاکستان دی پارلیمنٹ نال ترائے واری خطاب دا اعزاز ملیا ہوئے۔ جمہوریہ انڈونیشیا دے صدر جوکوودودو ڈوجھے انڈونیشی صدر ہین جئیں پاکستان دی پارلیمنٹ نال خطاب کیتے۔ایں توں پہلے انڈونیشیا دے صدر ڈاکٹراحمد سائیکارنو20 جون 1963ءاچ پاکستان دی قومی اسمبلی نال خطاب کیتا ہا۔
