دبئی۔ 28جنوری (اے پی پی) پاکستانی ٹیم انٹرنیشنل کرکٹ کونسل (آئی سی سی) دی تازہ ترین ٹی ٹونٹی ٹیم رینکنگ اچ پہلے نمبر تے آ گئی اے۔ پاکستان کیویز کوں چھیکڑی ٹی ٹونٹی میچ اچ ہرا تے سیریز ڈو ہک توں آپنڑے ناویں کرنڑ دے نال نال میزبان کیویز کوں ٹاپ پوزیشن توں وی فارغ کر ڈتے۔ولنگٹن اچ پاکستان اتے نیوزی لینڈ وچال چھیکڑی ٹی ٹونٹی میچ توں بعد آئی سی سی تازہ ترین ٹیم رینکنگ جاری کیتی اے جیں موجب پاکستانی ٹیم ٹاپ پوزیشن تے آگئی اے۔ رینکنگ اچ بھارت تریجھے،انگلینڈ چوتھے، ویسٹ انڈیز پنجویں، جنوبی افریقہ چھیویں، آسٹریلیا ستویں اتے سری لنکا آٹھویں نمبر تے اے۔
