دبئی۔ 28جنوری (اے پی پی) بھارتی ٹیم انٹرنیشنل کرکٹ کونسل (آئی سی سی) دی تازہ ترین ٹیسٹ ٹیم رینکنگ اچ پہلے نمبر تت کھڑی اے،جنوبی افریقہ دی ٹیم ڈوجھے نمبر تے موجوداے جڈاں جوپاکستان دا نمبر ستواں اے۔انگلش بالر ،جیمز اینڈرسن ول نمبر ون باولر،آسٹریلیو کپتان سٹیون سمتھ نمبر ہک بلے باز جڈاں جو اظہر علی دا ستواں نمبراے۔جنوبی افریقہ اتے باھرت سیریز مُکنڑ تے آئی سی سی نوین ٹیسٹ رینکنگ جاری کیتی اے۔بھارتی ٹیم سیریز ہرنڑ اتے ترائے پوائنٹ گھٹ تھیونڑ دے باوجود 121 پوائنٹس نال پہلے نمبر تے کھری اے۔ جنوبی افریقہ ڈوجھے، آسٹریلیا تریجھے، نیوزی لینڈ چوتھے، انگلینڈ پنجویں، سری لنکا چھیویںاتے پاکستان ستویں نمبرتے اے۔بلے بازاں اچ سٹیون سمتھ پہلے، ویرات کوہلی ڈوجھے، جوروٹ تریجھے اتے کین ولیمسن چوتھے نمبر تے ہین۔پاکستان دے بیٹسمین اظہر علی رینکنگ اچ ستویں نمبر تے ہین۔باﺅلرز اچ جیمز اینڈرسن ولاپہلی پوزیشن گھن گھدی اے۔آل راﺅنڈرز اچ شکیب الحسن سرفہرست ہین۔
