اسلام آباد ۔ 27 جنوری (اے پی پی) وزیر دفاع اتے یورپین پارلیمنٹ فرینڈ شپ گروپ دے کنوینئر خرم دستگیر خان آکھیے جو جی ایس پی پلس سٹیٹس پاکستان دی مثبت کامیابی اے،جی ایس پی سٹٹس دے بعد یورپین یو نین دے ملکاں کوں پاکستانی برآمدات اچ 39 فیصدودھارا تھئے جڈاں جو پاکستان کوں یورپین یونین دی برآمدات اچ وی 39فیصدودھارا تھئے۔اے گالھ انہاں یورپین یونین ملٹری کمیٹی دے مستقل چیئر مین جنرل میخائیل کوستاراکوس نال ملاقات اچ آکھی۔وزیر دفاع پارلیمنٹیرین دے وفد نال برسلز دے چار ڈینہہ دے دورے تے ہین۔وفد اچ سابق سپیکر قومی اسمبلی ڈاکٹر فہمیدہ مرزا ،چیئر مین نیشنل اسمبلی کامرس کمیٹی سراج خان اتے چیئر مین سینٹ کامرس کمیٹی شبلی فراز شامل ہین۔خرم دستگیر آکھیے جو پاکستان یورپین یونین تعاون دے تعلقات جمہوریت اتے شہریاں دے حقوق دے تحفظ دیاں ہکو جیھاں قدراں دی بنیاد تے کھڑن۔ پاکستان تریمتیں،اقلیتاں اتے بالاں سودھے معاشرے دے محروم طبقیاں دے تحفظ کیتے بہوں کوششاں اتے قانون سازی کیتی اے۔
