اسلام آباد ۔ 10 جنوری (اے پی پی)الیکشن کمیشن چکوال توں پنجاب اسمبلی دے حلقہ پی پی 20 اچ ضمنی انتخاب دے عبوری نتیجیاں دا اعلان کرڈتے۔الیکشن کمیشن مسلم لیگ (ن) دے امیدوار سلطان حیدر علی خان 75ہزار 934 ووٹ گھن تے کامیاب رہن۔انہاں دے مقابل امیدوار تحریک انصاف دے امیدوار طارق محمود افضل 46ہزار 25 ووٹ گھن تے ڈوجھے نمبر تے رہن۔ الیکشن کمیشن ولوں بدھ کوں ڈسٹرکٹ ریٹرننگ آفیسر ولوں ملنڑ آلے نتیجے جاری کرڈتے گن۔حلقہ اچ کل ووٹراں دی تعداد 2لکھ 79ہزار 530 ہئی جڈاں جو ضمنی انتخابات اچ ہک لکھ 41ہزار 137ووٹ سٹیے گن۔ پولنگ دی شرح 50.49فیصد رہی، ہک ہزار 829ووٹ مستردکیتے گن۔ ضمنی انتخاب اچ 5امیدواراں حصہ گھدے۔ انہاں اچ آزاد امیدوار محمد طفیل 610، عوامی نیشنل پارٹی دے عمران قیصر عباس 163، تحریک لبیک پاکستان دے چوہدری ناصر عباس 16ہزار 576 ووٹ گھدن۔
