اسلام آباد ۔ 11 جنوری (اے پی پی) وفاقی وزیر داخلہ، منصوبہ بندی، ترقی و اصلاحات پروفیسر احسن اقبال آکھیا ہے جو نامساعد حالات اتے دہشت گردی دے باوجود پاکستان اگی تے ٹردا پے ،اجوکے سال جی ڈی پی دی شرح 6فیصدتئیں گھن ویسوں، حکومت تعلیم دے شعبے تے خصوصی توجہ ڈیندی پئی ہے ، پاکستان 2025 تئیں دنیا دے ٹاپ 25 ترقی یافتہ ملکاں اچ شامل تھی ویسی۔اے گال انہاں گزریل ڈینھ آغا خان یونیورسٹی دی اقتصادی جائزہ رپورٹ دے اجرادے موقع تے تقریب توں خطاب کریندے ہوئیں کیتا ۔ وفاقی وزیرآکھیا جو میںکیتے فخر دی گال دے جو میں آغا خان یونیورسٹی ایکنومیک ایم پیکٹ پروگرام دا مہمان خصوصی ہاں، آغا خان یونیورسٹی ہک بہوںوڈا ادارہ تے ناں ہے، ایجھے سٹڈیز معاشرے دی ترقی اتے معاشی استحکام کیتے بہوں اہم ہے، آغا خان یونیورسٹی کوں میں مبارک ڈینداں جو اوں سٹڈی کوںپورا کیتا، ہر ملک کیتے ایکو سسٹم انتہائی اہم ہوندا ہے ، ہر یونیورسٹی کوں اپنڑاں کردار ادا کرنڑاں چاہیدے ،معاشرے دی ترقی کیتے ، آغا خان یونیورسٹی بہوں چنگے انداز اچ کم کیتے۔ انہاں آکھیا جوآغا خان یونیورسٹی صرف پاکستان اچ نی بلکہ ساری دنیا اچ کم کیتے ، یونیورسٹی صرف تعلیم کیتے نی ریسرچ کیتے وی ہے، آغا خان یونیورسٹی پاکستان اچ بہتر تعلیمی نظام پیدا کیتا ہے۔ انہاں آکھیا جو یونیورسٹیز کوں معاشرے اچ غریب طبقے کو ں وی ڈیکھنڑاں چاہیدے تاں جو او فائدہ چا سگے، یونیورسٹیز کوں ٹیکنالوجی دے شعبے اچ کم کرنڑاں چاہیدے ، ٹیکنالوجی اساڈی زندگی اچ بہوں ساری تبدیلی گھن تے آندی پئی ہے۔ انہاں آکھیا جوٹیکنالوجی دے لحاظ نال آغا خان یونیورسٹی بہتر انداز اچ کم کیتے، یونیورسٹیز دے طالب علماں دے اندر لیڈر شپ دی وی کوالٹی ہوونڑیں چاہیدی ہے ۔چنگی لیڈر شپ معاشرے اچ اپنڑاں کردار ادا کریندیاں ہن ۔ پرنس کریم آغا خان دا اساں شکریہ ادا کریندوں جو انہاں پاکستان اچ کم کیتے ۔ آغا خان ڈویلپمنٹ نیٹ ورک عام آدمی دی زندگی کوں بہتر کرنڑ کیتے کم کیتے ۔اساں پاکستان اچ ویژن 2025 متعارف کرایا تے ایں تے وی کم تھیندا پے ۔اساں پاکستان اچ بیاں وی یونیورسٹیاں تے کالج بنڑاونڑے ہن ۔ پاکستان اچ اعلی تعلیمی نظام دی بہتری کیتے اساں کم کرنڑیں ۔ پاکستان اچ ہک کوالٹی ایجوکیشن سسٹم گھن تے ڈیونڑاں ہے ۔ انھاں آکھیا جوپہلے آکھیا وینداہئی جو پاکستان دہشت گرد ملک ہے، اج پاکستان ہک پر امن ملک ہے تے دہشت گردی دے واقعات اچ گھٹکی تھی ہے ۔ ایں موقع تے آغا خان یونیورسٹی دے صدر فیض رسول وی خطاب کیتا ۔
