خوریٹہ ،کوٹلی،بٹال اتے راولاکوٹ سیکٹراں اچ بھارتی فائرنگ

راولپنڈی ۔ 28 جنوری (اے پی پی) خوریٹہ ، کوٹلی،بٹال اتے راولاکوٹ سیکٹراں بھارتی فوج ولوں ہک واری ول سیزفائرمعاہدے دی خلاف ورزی کیتی گئی اتے شہری آبادی تے بلااشتعال فائرنگ کیتی گئی جیں پاروں ڈو تریمتیں سودھے ترائے شہری زخمی تھی گین۔آئی ایس پی آر ولوں ڈسایا گئے جو بھارتی فوج ولوں شہری آبادی کوںنشانہ بنڑاونڑ توں بعد پاک فوج بھارتی پوسٹاں کوں نشانہ بنڑائے اتے فائرنگ دا منہ بھن تے جواب ڈتے۔