دہشت گردی دے خلاف بین الاقوامی جنگ اچ پاکستان ساریں توں ودھ قربانیاں ڈتیاں ہن سراہا نہ گیا تا تعاون تے نظر ثانی وی کر سگدوں اقوام متحدہ اچ پاکستان دی مستقل مندوب ڈاکٹر ملیحہ لودھی دا امریکی سفیر کوں جواب

نیویارک ۔ 3 جنوری (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی عالمی ادارہ اچ امریکی سفیرولوں دہشت گردی دے خلاف جنگ اچ بہتر کارکردگی نہ ڈکھاونڑ دے الزام دے بعد ریکارڈ درستگی کریندے ہوئیں آکھیا ہے جو پاکستان دہشت گردی دے خلاف جنگ اچ امریکی امداد کوں کڈاہیں وی سامنڑے کائنی رکھیا بلکہ اپنڑے مفادات تے قومی اصولاں کوں سامنڑے رکھیا ہے ،اگر اساڈے تعاون کوں سراہا نہ گیاتاں اپنڑے ایں تعاون تے نظر ثانی کر سگدوں ۔ ڈاکٹر ملیحہ لودھی عالمی ادارے اچ امریکی سفیر نکی ہیلی ولوںنیوز کانفرس اچ امریکی امداد دے حوالے نال پاکستان دے خلاف الزام دا جواب ڈیندے ہوئیں آکھیا جو اساں دہشت گردی دے خلاف بین الاقوامی جنگ اچ ساریں توں ودھ قربانیاں ڈتیاں ہن تے دہشت گردی دے خلاف اہم کردا ر ادا کیتا ہے ۔پاکستان دہشت گردی دے خلاف دنیا دا ساریں توں وڈا اپریشن وی کیتا ۔ ملیحہ لودھی آکھیا جو امریکی امداد اتے دہشت گردی دے خلاف جنگ دے حوالے نال امریکی دی ترجمان کریندے ہوئیں نیکی ہیلی امریکی ناکامیاں دا ملبہ ڈوجھیں تے پاتا ہے تے پاکستان امداد گھن تے دھوکہ ڈیونڑ جیہوجے کردار جیویں بے بنیا د الزام لاتے جیں اچ کوئی سچائی کائنی ۔ پاکستانی سفیر ڈونلڈ ٹرمپ دے وی امداد دے حوالے نال ٹویٹ اچ لاتے گے کوڑے الزام کوں غلط تے بے بنیاد قرار ڈتا پاکستان ٹرمپ دے امریکی حکام کوں بے وقوف بنڑاونڑ تے دھوکہ ڈیونڑ دے الزام کوں مسترد کریندے ۔اے امر قابل ذکر ہے جو امریکی میڈیا ملیحہ لودھی دے جواب کوں وڈے پیمانے تے شائع تے نشر کیتا ہے۔