اسلام آباد ۔ یکم جنوری (اے پی پی) سپیکر قومی اسمبلی سردار ایاز صادق نویں سال 2018دے شروع تے ملک تے قوم سانگے نیک تمناواں دا اظہار کریندے ہوئیں آکھیا ہے جو پاکستان ترقی تے جمہوری استحکام دے ہک نویں سال اچ داخل تھی گی ہے ،2018دا سجھ پاکستان دی ترقی ، عام آدمی دی خوشحالی اتے جمہوریت دے استحکام دی نوید گھن تے ابھریا ہے ۔ سنوار کوں نویں سال 2018دے شروع تے اپنڑے پیغام اچ انہاں آکھیا جو نواں سال ایںگالھ دا گواہ ہوسی جو اساں تاریخ دے ہک صفحے اتھال تے موجودہ دور دے چیلنج تے قابو پاونڑ دے نویں عزم دے نال ہک نویں سفر تے ٹر پیوں ۔انہاں آکھیا جو پاکستان اچ دہشت گردی دے ڈینھ گنتری تھی گے ہن تے 2018پاکستان دی ترقی تے خوشحالی دا سال ثابت تھیسی ۔ملک دے دفاع تے سالمیت تے سلامتی سانگے مسلح فوج تے قانون نافذ کرنڑ آلے اداریں دی خدمات تے قربانیاں لائق تحسین ہن ۔ساری قوم شہیداں دے ٹبراں نال کھڑی ہے ۔پاکستان قوم مستقل مزاجی نال اگوں تے ودھدے ہوئیں ملک کیتے چیلنج تے قابو پا گھنسی ۔ انہاں پوری قوم توں اپیل کیتی جو بابائے قوم قائد اعظم دے ایمان، اتحاد اتے تنظیم دے زریں اصولاں تے ہک مٹھ تھیونڑ دی ضرورت ہے ۔
