اسلام آباد ۔ 23 جنوری (اے پی پی) 50 سال دی محنت نال تیار تھیونڑ آلی 22 جلداں تے مشتمل جدید ترین اردو لغت دے”آن لائن ایڈیشن“ دا باضابطہ افتتاح بدھ کوں تھیسی۔ صدرمملکت ممنون حسین ایوان صدر اچ منعقدہ تقریب اچ آن لائن ایڈیشن دا افتتاح کریسن۔ وزیراعظم دے مشیر قومی تاریخ تے ادبی ورثہ عرفان صدیقی منگل کوں گال بات کریندے ہوئیں ڈسایا جو قومی تاریخ تے ادبی ورثہ ڈویژن دے ذیلی ادارے اردو لغت بورڈ 22 جلداں، 22 ہزار صفحات اتے تقریباً 2 لکھ 64 ہزار الفاظ تے مشتمل اے عظیم علمی خزانہ ہنڑ انٹر نیٹ تے وی دستیاب ہوسی جیں کیتے مخصوص ”ایپ“ تیار کرگھدی گی اے۔ اے علمی خزانہ 2 سی ڈیزتے دستیاب ہوسی۔ عرفان صدیقی توقع ظاہر کیتی جو آن لائن ایڈیشن خاص طورتے طالب علماں کیتے بیش قیمت خزانہ ثابت تھیسی ۔
