اسلام آباد۔ 19 جنوری (اے پی پی) صدر مملکت ممنون حسین آکھیا جو پاکستان صحت دے شعبے کوں بہوں اہمیت ڈیندے اتے صحت عامہ دے بنیادی ڈھانچے دی بہتری اتے عوام کوں معیاری طبی خدمات ڈیونڑ سانگے ہر ممکنہ اقدامات کریندے۔انہاں اے گالھ جین ڈیکر دی قیادت اچ رائل کالج آف فزیشنز برطانیہ دے وفد نال گالھ مہاڑ کریندیں ہوئیں آکھی جئیں جمعہ کوں ایوان صدر اچ انہاں نال ملاقات کیتی۔وفد اچ آئن بولک، پروفیسر علی جواد، پروفیسر عامر غفور خان، پروفیسر جاوید اکرم اتے سٹیو کرمپ شامل ہن۔وزارت قومی خدمات صحت اتے ایوان صدر دے عہدیدار وی ایں موقع تے موجود ہن۔
