صدر مملکت ممنون حسین دی سعودی عرب دے وزیر تجارت تے سرمایہ کاری ڈاکٹر ماجد الکسابی دی قیادت اچ وفد نال گالھ مہاڑ

اسلام آباد۔ 17 جنوری (اے پی پی)صدر مملکت ممنون حسین آکھیا جو سعودی عرب اساڈا سچا دوست اتے برادر اسلامی ملک اے اتے ہر پاکستانی سعودی عرب کوں آپنڑاں ڈوجھا گھر سمجھدے۔ڈوہیں ملک ہک ڈوجھے نال دینی،ثقافتی اتے اقتصادی رشتیاں اچ جڑیے ہوئیے ہن جئیں نال ڈوہیں ملکاں دے تعلقات کوں نویں جہت ملی اے۔انہاں اے گالھ ایوان صدر اچ سعودی عرب دے وزارت تجارت تے سرمایہ کاری دے وفد نال گالھ مہاڑ کریندیں ہوئیں آکھی جنہاں بدھ کوں وزیر تجارت و سرمایہ کاری ڈاکٹر ماجد الکسابی دی قیادت اچ انہاں نال ملاقات کیتی۔ایں موقع تے وفاقی وزیر تجارت پرویز ملک، وفاقی وزیر دفاع انجینئر خرم دستگیرخان، وزیر مملکت برائے خزانہ و اقتصادی امور رانا محمد افضل خان، سعودی سفیر کموڈور نواف سعید احمد المالکی، وفد دے اراکین اتے بئے اعلیٰ حکام موجود ہن۔