اسلام آباد ۔ 30 جنوری (اے پی پی) عالمی شعبے اچ پاکستان کوں ایں وقت وڈی فتح حاصل تھی اے جڈاں جنےوا اچ جاری عالمی ادارہ صحت دے اےگزےکٹو بورڈ ساری دنیا اچ معذور لوکاں سانگے خصوصی آلات دی فراہمی دے حوالے نال پاکستان دی پیش کیتی گی قرارداد متفقہ طور تے منظور کر گھدی ۔ایں قرارداد دی منظوری نال دنیا اچ ہک ارب لوک جنہاں کوں خصوصی آلات دی ضرورت ہے انہاں کوں فائدہ تھیسی ۔ پاکستان ایں ضمن اچ مئی 2016ءتوں کوشاں ہے جڈاں جووفاقی وزےر قومی صحت سائرہ افضل تارڑ معذورلوکاں سانگے خصوصی آلات دی فہرست ورلڈ ہیلتھ اسمبلی دے اجلاس دے دوران پیش کیتیاں ۔اینی ٹیم کوں مبارخ ڈیندے ہوئیں وفاقی وزیر صحت آکھیا جو ایں قرارداد دی منظوری نال عالمی صحت دے شعبے اچ پاکستان دا وقار بیا اچا تھی گے ۔ انہاں عالمی صحت دے شعبے اچ ودھ ساری خدمات تے ڈائرےکٹر جنرل ہےلتھ ڈاکٹر اسد حفےظ دیاں کوششاں دی خصوصی تعریف کیتی ۔
