اسلام آباد ۔ 11 جنوری (اے پی پی) صدر مملکت ممنون حسین پالیسیان دے تسلسل دے ذریعے قومی آمدنی اتے ترقی دی رفتار کوں تیکھا کرنڑ دی لوڑھ تے زور ڈیندے ہوئیں آکھیے جوایں سانگے صنعتی اتے تاجری برادری دے نال نال سارے طبقے اپنڑا اپنڑا کردار ادا کرن۔او ایوان صدر اسلام آباد اچ راولپنڈی چیمبر ٓف کامرس اتے انڈسٹری دے صدر زاہد لطیف خان دی اگوانڑی اچ ملاقات کیتے آونڑ آلے وفد نال گالھ مہاڑ کریندے پئے ہن۔صدر آکھیے جوقومی معیشت دی ترقی کیتے پالیسیاں دا تسلسل بہوں ضروری اے اتے موجودہ حکومت ایں منصوبہ بندی تے کم کریندی پئی اے۔انہاں ٹیکس شرح اچ کمی دے فیصلے کوں معیشت دی چنگائی کیتے مثبت قرار ڈیندے آکھیے جو ایندے نال قومی معیشت اچ ودھارا تھیسی اتے ملک ترقی کریسی۔صدر مملکت آکھیے جو گذریل چار سالاں اچ قومی ترقی دی شرح ودھی اے،بدعنوانی اچ کمی آئی اے، بجلی دی پیدوار ودھی اے، لوڈشیڈنگ تے قابو پاتا گئے، اتے اے اقدامات قابل اطمینان ہن۔صدر مملکت آکھیے جو حکومتی پالیسیاں دے تسلسل سانگے ملک دی تاجر اتے صنعتی برادری کوں وزارت تجارت نال گانڈھے اچ راہنڑان چاہیدے، چیمبرز آف کامرس اتے بئے تجارتی ادارے مختلف شعبیاں اچ تحقیق کوں ودھاون۔انہان آکھیے جو پاکستان داوپاری طبقہ ملک دی ریڑھ دی ہڈی دی حیثیت رکھدے،صرف ذاتی مفادات اتے سیاسست کیتے ہک بئے دی جنگھ چھکنڑ دی حوصلہ شکنی کرنڑی چاہیدی اے
