قومی اسمبلی اجلاس؛نادرا(ترمیمی)بل, قائمہ کمیٹی داخلہ دیاں رپورٹاں پیش

اسلام آباد ۔ 23 جنوری (اے پی پی) نیشنل ڈیٹا بیس تے رجسٹریشن اتھارٹی (ترمیمی) بل 2018ءقومی اسمبلی اچ پیش کرڈتا گئے ۔ نیشنل ڈیٹابیس اتے رجسٹریشن اتھارٹی آرڈیننس 2000ءاچ بئی ترمیم کرنڑ دا بل نیشنل ڈیٹابیس اتے رجسٹریشن اتھارٹی (ترمیمی) بل 2018ء ایم کیو ایم پاکستان دی رکن قومی اسمبلی ثمن سلطانہ جعفری پیش کیتے۔ایوان اچ قائمہ کمیٹی برائے داخلہ دی ”لازمی ٹھوس فضلا دے انتظام اتے اینکوں ولا کم لاونڑ “ دے بل 2017ءتے قائمہ کمیٹی دی رپورٹ قومی اسمبلی اچ پیش کرڈتی گئی۔ قائمہ کمیٹی برائے داخلہ دے چیئرمین رانا شمیم احمد خان اسلام آباددی ہاﺅسنگ سکیماں اچ ٹھوس فضلے دے انتظام اتے اینکوں دوبارہ کارآمد بناونڑ دے نظام دے قیام سانگے قنون وضع کرنڑ دے بل تے قائمہ کمیٹی دی رپورٹ پیش کیتی۔انہاں مجموعہ تعزیرات پاکستان 1860ءاتے مجموعہ ضابطہ فوجداری 1898ءاچ بئی ترمیم کرنڑ دے بل فوجداری قنون (ترمیمی) بل 2017ءتے وی قائمہ کمیٹی دی رپورٹ پیش کیتی۔