ملتان۔12 جنوری(اے پی پی )ماءبولی اچ تعلیم دا حق بنیادی انسانی حقوق اچ شا مل اے،سرائیکی تعلیم دی رٹ تاریخی حیثےت رکھیندی اے۔اے گالھیں ر سینئر ایڈووکیٹ سید نثار صفدر ’ سرائیکستان قومی کونسل دے صدر ظہور دھریجہ نال پریس کانفرنس نال خطاب کریندیں ہوئیں آکھی۔ایں موقع تے مقصود بھٹی اتے مہران ملک وی موجود ہن ۔سید نثار ایڈووکیٹ آکھیا جو ماءبولی دے حق کوں اقوام متحدہ وی منیے اتے 21فروری کوں ماءبولی دا عالمی ڈینھ ایں دی کڑی اے۔سرائیکی ماءبولی اچ تعلیم دے حق بارے ظہور دھریجہ دی رٹ پٹیشن تریخی حیثیت رکھیندی اے،اے مقدمہ تریخ دے سنہری حروف اچ لکھیا ویسی۔مقدمہ اچ نشابر آکھیا گئے جو پنجابی اتے سرائیکی خطے اچ سرائیکی پڑھائی ونجے۔انہاں آکھیا جو لاہور ہائیکورٹ دے چیف جسٹس ڈے پنجابی ماءبولی اچ تعلیم دا مقدمہ پہلے توں سنڑیج اچ اے اتے ظہور دھریجہ دی درخواست فریق مقدمہ بارے اے اتے اے اتنا اہم مقدمہ اے جو لاہور ہائیکورٹ دے چیف جسٹس خود سنڑدے پئن ۔ایں موقع تے ظہور دھریجہ آکھیا جو ماءبولی اچ تعلیم دا حق بنیادی انسانی حقوق اچ شا مل اے۔پاکستان اچ سندھی زبان کوں ماءبولی اچ تعلیم دے حق پہلے توں اے جڈانجو خیبرپختونخواہ اتے بلوچستان دے مقابلے اچ سندھ حکومت سندھ اچ بولی ونجنڑ آلی سرائیکی زبان کوں نظر انداز کر ڈتا گئے جئیں نال سندھ اچ ماءبولی اچ تعلیم دا ادھورا پورا تھےے۔اے گالھ بہوں ضروری اے اجو سندھ اچ وی سرائیکی بال کوں ماءبولی اچ تعلیم دا حق ڈتا ونجے۔انہاں آکھیا جو اساں اردو دے خلاف کائنی پر ماءبولی اچ تعلیم دا حق فوق اے ،پہلی ترجیح پاکستان زباناں کوں ملنڑی چاہیدی اے۔انگریزی اردو سمیت باقی ساری بدیسی زباناں دا نمبر انہاں دے بعد آونڑاں چاہیدے۔ظہوردھریجہ آکھیا جو ماءبولی لازمی اتے باقی ساری زباناں دے مضمون اختیاری ہوونڑے چاہیدن۔
