اسلام آباد ۔ 11 جنوری (اے پی پی) خواتین ارکان پارلیمنٹ دے گروپ وومن کاکس دی سیکرٹری جنرل اتے مسلم لیگ (ن) دی رکن قومی اسمبلی شائستہ پرویز ملک قصور اچ بالڑی دےنال پیش آونڑ آلے افسوسناک سانحے تے ودھ ساری کاوڑ دا اظہار کریندے ہوئیں مطالبہ کیتے جو ایں طرح دے واقعات اساڈے قومی چہرے کوں خراب کریندے پن ،ہر سطح تے انہاں واقعات کوں روکنڑ کیتے جنگی بنیاداں تے اقدامات کرنڑ دی ضرورت ہے ۔وومن کاکس سیکر ٹریٹ توںجاری بیان دے مطابق انہاں آکھیا جو قصور اچ بالڑی زینب دے نال پیش آونڑ آلے واقعے وی اساڈی جہالت تے مایو سی منہ بولیندی تصویرہے ۔بالڑی دے نال زیادتی تے ایندے بعد ایندا قتل ہک نہ بھلاونڑ آلا سانحہ تے سنگین جرم ہے ۔ایں طرح دے واقعات دے سدباب کیتے جنگی بنیاداں تے ہر سطح تے کم کرنڑ دی ضرورت ہے،واقعے کوں کہیں صورت اچ نظر انداز نی کیتا ونج سگدا ۔انہاں مطالبہ کیتا جو ایں واقعے دے مرتکب ملزماں کوں عبرت ناک سزا ڈے تے ہک مثال قائم کیتی ونجے تاں جو اگی تے کوئی ایں طرح دے واقعے دا مرتکب تھیونڑ دی جرات نہ کر سگے ۔
