اسلام آباد ۔ 19 جنوری (اے پی پی) معروف صحافی، کالم نگار، مصنف اتے ڈرامہ نگار منیر احمد قریشی المعروف ”منو بھائی“ طویل علالت دے بعد انتقال کرگن۔ نجی ٹی وی چینل خاندانی ذرائع دے حوالے نال ڈسایا اے جو منو بھائی کجھ عرصے توں گردیں تے دل دے عارضے اچ مبتلا ہن تے لاہور دے مقامی ہسپتال اچ زیر علاج ہن ۔ 1933اچ پنجاب دے شہر وزیر آباد اچ جمنڑ آلے منو بھائی دا اصل ناں منیر احمد قریشی ہئی او منو بھائی دے ناں توں جانڑیے ویندے ہن ۔ منو بھائی پاکستان ٹیلی ویژن کیتے بہوں سارے ڈرامے لکھیے تے انہاں دا ساریں توں مشہور ڈرامہ سونا چاندی ہئی ۔ منو بھائی روزنامہ جنگ نال وابستہ ہن ”گریبان“دے عنوان توں باقاعدگی نال کالم لکھدے ہن ۔2007اچ انہاں کوں صدارتی تمغہ حسن کاکردگی نال نوازیا گیا ۔
