لاہور۔29جنوری(اے پی پی ) وفاقی وزیر تجارت تے پاکستان مسلم لیگ(ن) لاہور دے صدر محمد پرویز ملک آکھیے جو ملکی ترقی اچ رولا پاونڑ آلیںدا عوام 2018اچ محاسبہ کریسے۔سیاسی مخالف اساڈے ترقیاتی کماں دی وجہ توں بوکھلاہٹ دا شکا ر ہن جیں دی وجہ توں او عوام دا سامنڑاں کرنڑ توں پرے بھجدن تے اقتدار حاصل کرنڑ سانگے چور دروازے گولیندے ودن ۔پاکستان مسلم لیگ ن دی حکومت ایں وقت صرف ترقیاتی کماں دے پاسے توجہ کریندی پئی اے ۔کوئی وی غلط فہمی اچ نہ رہے انشاءاللہ حکومت اپنڑی مدت پوری کریسی تے ایندے توں پہلے میٹرو اورنج ٹرین تے قومی میگا پراجیکٹ پورے کر گھدے ویسن ،عوام دی خدمت کریندے رہسوں اج کرپشن اچ ولٹھیے لوک اساڈے احتساب دی گال کریندے پن ۔اے گال انہاں گزریل ڈینھ لاہور دفتر اچ کارکناں نال الیندے ہوئیں آکھی ،ایں موقع تے رکان اسمبلی میاں مرغوب، چوہدری شہباز، سید توصیف شاہ،ڈاکٹر اسد اشرف،عامر خان،جاوید اقبال تے بئے موجود ہن ۔
