اسلام آباد ۔ 19 جنوری (اے پی پی) وزیراعظم دے مشیر قومی تاریخ تے ادبی ورثہ عرفان صدیقی معروف صحافی، ادیب، دانشور، کالم نگار اتے ڈرامہ نویس منو بھائی دے انتقال تے ودھ سارے ڈکھ دا اظہار کیتے۔ اپنڑے ہک تعزیتی پیغام اچ عرفان صدیقی آکھیا جو منو بھائی دبستان دا درجہ رکھیندے ہن ۔انہاں ادب و صحافت دے مختلف شعبیں اچ ودھ ساریاں خدمتاں کیتیاں ۔انہاں دی سماجی تے فلاحی خدمات دیر تئیں یاد رکھیا ویسن۔ عرفان صدیقی آکھیا جو منو بھائی دی فوتگی نال پیدا تھیونڑ آلا خلا اوکھیں پر تھیسی ۔انہاں مرحوم دے درجات دی بلندی تے انہاں دے ٹبر کیتے صبر دی دعا کیتی ۔
