اسلام آباد ۔ یکم جنوری (اے پی پی) قومی تاریخ وادبی ورثہ ڈویژن دے اہتمام نال نینگرخطاطاں وچال قومی مقابلہ حسن خطاطی آندے مہینے اسلام آباد اچ تھیسی جیں اچ چارے صوبیں دے علاوہ آزادکشمیر، گلگت بلتستان اتے قبائلی علاقہ جات (فاٹا) توں نوجوان خطاط اپنڑے فن دا مظاہرہ کریسن ،ایں موقع تے منتخب کردہ فن پاریں دی نمائش وی کیتی ویسی۔ اے فیصلہ وزیراعظم دے مشیر عرفان صدیقی دی صدارت سنوار دے ڈینھ قومی تاریخ تے ادبی ورثہ ڈویژن دے افسراں دے اجلاس اچ کیتا گیا ایںموقع تے عرفان صدیقی آکھیا جو قومی مقابلہ حسن خطاطی کوں برصغیرجنوبی ایشیادے عظیم خطاط عبدالمجید پرویں رقم دے نال نال جوڑیا ویندا پے جنہاں کوں شاعر مشرق علامہ اقبال دے کلام دی کتابت دا منفرد اعزاز حاصل ہے۔انھاں آکھیا جومقابلہ حسن خطاطی اچ 35 سال دی عمر تئیں دے لوک حصہ گھن سگدے ہن ، اساں چاہندوں کوں تریمتاں وی ایں مقابلے اچ حصہ گھنن۔انہاں آکھیا جو مقابلے دا مقصد ملک دے نینگر خطاطاں دی حوصلہ افزائی ہے ۔
