کامرہ۔ 2 جنوری (اے پی پی) وزیراعظم شاہد خاقان عباسی نویں بنڑی ہوئی ایوی ایشن سٹی کامرہ اچ ائیر یونیورسٹی ائیرو سپیس اینڈ ایوی ایشن کیمپس دا منڈھ بدھیندیں ہوئیں آکھیا جو ملک کوں درپیش مسئلیاں نال خودانحصاری دے حصول دے ذرےعے ای نبڑیا ونج سگدے۔حکومت بہترین افرادی قوت دے حصول سانگے تعلیم دے شعبے اچ ودھ سرمایہ کاری کریندی پئی اے۔ائیر یونیورسٹی ائیرو سپیس اینڈ ایوی ایشن کیمپس دے سنگ بنیاد دی تقریب منگل کو اتھاں تھئی جئیں اچ وزیراعظم شاہد خاقان عباسی مہمان خصوصی ہن، پاک فضائیہ دے سربراہ ائیر چیف مارشل سہیل امان وی ایں موقع تے موجود ہن ۔وزیراعظم یونیورسٹی دا سنگ بنیاد رکھیا اتے تختی دی نقاب کشائی کیتی۔ایں مبارک موقع تے انہاں پاک فضائیہ دے سربراہ دے نال رل تے کامرہ اچ ایں شاندار ادارے دی ترقی سانگے دعا کیتی جو پاک فضائیہ دی تریخ اچ ہک سنہرے باب دا ودھارا تھےے۔تقریب نال خطاب کریندیں ہوئیں وزیراعظم ہوابازی دی صنعت اتے اعلیٰ تعلیم دے میدان اچ پاک فضائیہ دی گراں قدر قدمات اتے پاک فضائیہ دے سربراہ دی پر خلوص کاوشاں کوں سراہندیں ہوئیں ایجھی کوششاں نال خودانحصاری دی منزل تئیں پجنڑ اچ کامیاب تھی ویسن۔
