وزیراعظم شاہد خاقان عباسی دی انجمن تاجران اسلام آباد دے وفد نال گالھ مہاڑ

تاجر برادری دا معیشت دی ترقی اچ اہم کردار اے،اجوکی حکومت تاجر برادری دے حقوق دے تحفظ سانگے پرعزم اے،تاجر برادری دے پرانڑے مسئلے کوں جلدی حل کیتا ویسی،وزیراعظم شاہد خاقان عباسی دی انجمن تاجران اسلام آباد دے وفد نال گالھ مہاڑ
اسلام آباد ۔ 19 جنوری (اے پی پی) وزیراعظم شاہد خاقان عباسی آکھیا جو تاجر برادری دا معیشت دی ترقی اچ اہم کردار اے،اجوکی حکومت تاجر برادری دے حقوق دے تحفظ سانگے پرعزم اے،تاجر برادری دے پرانڑے مسئلے کوں جلدی حل کیتا ویسی۔انہاں اے گالھ انجمن تاجران اسلام آباد دے وفد نال گالھ مہاڑ کریندیں ہوئیں آکھی جئیں جمعہ کوں انہاں دے آفس اچ ملاقات کیتی۔تاجر برادری وزیراعظم کوں تاجر برادری دے مسئلیاں بارے اتے قانون کرایہ داری دے مسئلے بارے ڈسایا۔وزیراعظم وفد کوں یقین ڈوایا جو تاجر برادری دے مسئلے جلدی حل کیتے ویسن۔ایں موقع تے وزیر مملکت برائے کیڈ ڈاکٹر طارق فضل چوہدری اتے رکن قومی اسمبلی ملک ابرار احمد وی موجود ہن۔