وزیراعظم شاہد خاقان عباسی دی سعودی عرب دے وزیر تجارت ڈاکٹر ماجد عبداللہ الکسابی نال گالھ مہاڑ

اسلام آباد۔ 17 جنوری (اے پی پی) وزیراعظم شاہد خاقان عباسی ’ پاک۔سعودی مشترکہ وزارتی کمیشن دے اجلاس کوں خوش آئند آکھدیں ہوئیں آکھیا جو ایں نال ڈو پاسہ اقتصادی تعلقات ودھسن۔انہاں اے گالھ سعودی عرب دے وزیر تجارت ڈاکٹر ماجد عبداللہ الکسابی نال گالھ مہاڑ کریندیں ہوئیں آکھی جنہاں بدھ کوں وزیراعظم آفس اچ انہاں نال ملاقات کیتی۔ سعودی وزیر تجارت پاک۔سعودی مشترکہ وزارتی کمیشن دے 11ویں اجلاس اچ شرکت سانگے 35رکنی وفد دی قیادت کریندے پئن۔پاک۔سعودی مشترکہ وزارتی کمیشن دے اجلاس اچ کیتے گئے اہم فیصلیاں تے وی گالھ مہاڑ کیتی گئی جئیں اچ پاکستان توں سعودی عرب کوں حلال خوراک دی برآمد سانگے ورکنگ گروپ دا قیام ،ساﺅتھ نارتھ گیس پائپ لائن دی تعمیر اچ سعودی سرمایہ کاری شامل ہن ۔