وزیراعظم شاہد خاقان عباسی دی قومی کرکٹ ٹیم کوں مبارک

اسلام آباد ۔ 28 جنوری (اے پی پی) وزیراعظم شاہد خاقان عباسی قومی کرکٹ ٹیم دے کپتان سرفراز احمد اتے ٹیم دے کھیڈاڑیاں کوں نیوزی لینڈ دے خلاف ٹی 20 سیریز جیتنڑ اتے آئی سی سی ٹی 20 رینکنگ اچ پہلی پوزیشن گھنڑ تے مبارک ڈیندے ہوئیں آکھیے جو پوری قوم کوں اپنڑی ٹیم تے مانڑ اے۔میچ جیتنڑ توں بعد وزیراعظم شاہد خاقان عباسی قومی کرکٹ ٹیم دے کپتان سرفراز احمد کوں ٹیلی فون کیتے اتے پوری ٹیم کوں آئی سی سی ٹی 20 رینکنگ اچ پہلی پوزیشن گھنڑ تے مبارک ڈتی۔ وزیراعظم ٹیم اتے کپتان دا حوصلہ ودھیندے ہوئے آکھیے جو ایں کامیابی تے پوری قوم کوں اپنڑی ٹیم تے بہوں مانڑ اے، پاکستان کرکٹ ٹیم دی ٹی 20 رینکنگ اچ پہلی پوزیشن کھیڈاڑیاں اتے ٹیم مینجمنٹ دی محنت دا ثبوت اے۔