ڈیووس ۔ 24 جنوری (اے پی پی) وزیراعظم شاہد خاقان عباسی نال بل و ملنڈا گیٹس فاﺅنڈیشن دے کو چیئرمین بل گیٹس ڈیووس اچ ملاقات کیتی۔ وفاقی وزیر برائے نیشنل ہیلتھ سروسز ریگولیشن اینڈ کوآرڈینیشن سائرہ افضل تارڑ، وزیر مملکت برائے اطلاعات، نشریات، قومی تاریخ و ادبی ورثہ مریم اورنگزیب، وزیراعظم دے معاون خصوصی علی جہانگیر صدیقی اتے سینئر سرکاری حکام وی موجود ہن۔ وزیراعظم بل و ملنڈا گیٹس فاﺅنڈیشن ولوں پاکستان اچ بالخصوص انسداد پولیو پروگرام کیتے ساجھے داری دا شکریہ ادا کیتے۔ ملاقات اچ صحت، تعلیم اتے بئے سماجی شعبیاں اچ ساجھے داری دے موقعیاں تے گالھ مہاڑ کیتی گئی۔ ایں دوران مالیاتی و ڈیجیٹل شمولیت دے ذریعے چھوٹے اتے درمیانے درجے دے وپار اتے کاشتکاراں کوں بااختیار بنڑاونڑ تے وی گالھ تھئی۔ وزیراعظم شاہد خاقان عباسی آکھیے جو اساں سماجی شعبہ دی اصلاحات تے توجہ ڈیندے پئے ہیں، سحت اتے تعلیم دے شعبیاں اچ اصلاحواں پاروں غریب اتے پسماندہ لوکیں کون فیدہ ملدا پئے۔ایں موقع تے بل گیٹس گذریل چار سالاں اچ پولیو مکاونڑ کیتے کیتی ھئی پیشرفت دی تعریف کیتی۔انہاں پاکستان توں پولیو کوں مکاونڑ سانگے حکومت دیان کوششاں دی وی تعریف کیتی اتے وزیراعظم دی ذاتی دلچسپی کوں سراہے۔
