فاٹا اچ ڈیماں دی تعمیر بارے فنڈز ڈیونڑ نال انہاں علاقیاں دی ترقی اتے انہاں کوں مرکزی دھارے اچ گھن آونڑ اچ نشابر پیش رفت تھیسی،وزیراعظم
ڈیووس ۔ 24 جنوری (اے پی پی) وزیراعظم شاہد خاقان عباسی نال بدھ کوں اتھاں سویٹرزلینڈدے شہرڈیووس اچ عالمی اقتصادی فورم دے موقع تے ایشیائی انفراسٹرکچر انویسٹمنٹ بنک دے صدرجن لی کیان ملاقات کیتی۔وزیراعظم دے معاون خصوصی علی جہانگیرصدیقی اتے بئے سینیئر حکام وی ایں موقع تے موجود ہن ۔وزیراعظم ایں عزم کوں دہرایاجو بنک نال مضبوط اتے پائیدار تعلقات قائم رہسن۔وزیراعظم بنک دے صدر کوں پاکستان دے دورے دی دعوت ڈتی۔وزیراعظم بنک دے صدر کوں ڈسایا جو فاٹا اچ ڈیماں دی تعمیر بارے فنڈز ڈیونڑ نال انہاں علاقیاں دی ترقی اتے انہاں کوں مرکزی دھارے اچ گھن آونڑ اچ نشابر پیش رفت تھیسی۔وزیراعظم ایں گالھ تے زور ڈتا جو فاٹا اچ پانڑی ذخیرہ کرنڑ سانگے ڈیماں دی تعمیر سانگے فنڈز ڈیونڑ نال انہاں علاقیاں کوں مرکزی دھارے اچ گھن آونڑ اچ نشابر پیش رفت تھیسی۔ ایشیائی انفراسٹرکچر انویسٹمنٹ بنک کثیرالجہتی ترقیاتی بنک اے جیڑھا جو بنیادی ڈھانچے اتے علاقائی رابطیاں سانگے معالی تعاون ڈیندے۔ایں بنک دے سرمایہ دا حجم 100ارب ڈالر اے اتے پاکستان ایں بنک دے بانی ملکاں اچ شامل اے۔
