اسلام آباد ۔ 23 جنوری (اے پی پی) وزیراعظم شاہد خاقان عباسی ڈیووس۔کلوسٹرز، سوئٹزرلینڈ اچ عالمی اقتصادی فورم دے سالانہ اجلاس اچ شرکت سانگے منگل کوں روانہ تھی گن جیرھا جو 24 اتے 25 جنوری کو ں تھیندا پے ، انہاں کوں ایں دورے دی دعوت عالمی اقتصادی فورم دے بانی تے ایگزیکٹو چیئرمین پروفیسر کلاس شواب ڈتی ہے۔ ترجمان دفتر خارجہ ولوں جاری بیان دے مطابق وزیراعظم کئی اہم تقریبات اچ شرکت کریسنتے کلیدی عالمی رہنماواں تے امریکا، یورپ، چین اتے جاپان دی15 ممتاز ملٹی نیشنل کمپنیاں دے سربراہان نال ملاقاتیں کریسن۔ وزیر اعظم عالمی اقتصادی رہنماواں دے غیر رسمی گروپ دی خصوصی نشست اچ سربراہان مملکت تے حکومت نال وی ملسن ۔ او 24جنوری کو ’ں’بیلٹ اینڈ روڈ دے اثرات“ دے موضوع تے عالمی اقتصادی فورم دے اجلاس اچ وی شریک تھیسن۔ وزیر اعظم شاہد خاقان عباسی وال سٹریٹ جرنل، نکی/ ایف ٹی گروپ ، واشنگٹن پوسٹ ، سی این این اتے رائٹر سمیت وڈے بین الاقوامی میڈیا اداریں کوں انٹرویوز وی ڈیسن۔ عالمی اقتصادی فورم دے سالانہ اجلاس اچ وزیراعظم دی شرکت کاروبار ، سرمایہ کاری اتے تجارت کیتے پاکستان کو ں ہک اہم مقام دے طور تے نشابر کرنڑ دا موقع ڈیسی تے پاکستان دی ترقی کریندی ہوئی معیشت کوں نمایاں کیتا ویسی۔ اے غیر رسمی نشستاں اچ کئی عالمی رہنماواں نال ملاقات اتے مختلف امور تے گال بات دا ہک اہم موقع ہوسی ۔
